Os ceos galegos

Programa 23

Se miramos ao ceo nunha noite despexada, a simple vista podemos ver unhas 2.000 estrelas; un espectáculo que atraeou desde sempre os humanos na procura de respostas. Os astros marcaron as estacións do ano, as épocas de abundancia para a caza e a colleita, as mareas… E nos seus movementos aínda queda moita información por descubrir. 

Entrevista. José Angel Docobo é director do Observatorio Astronómico Ramón María Aller da Universidade de Santiago de Compostela.
Monólogo. A influencia da astronomía no desenvolvemento da ciencia
Post de Wicho. Ferramentas tecnolóxicas para observar o ceo
Reportaxes:
- Arqueoastronomía
- Observatorio Forcarei

Nanotecnoloxía

Programa 16

Cando escoitamos a palabra nanotecnoloxía pensamos en algo moi pequeno e alleo á nosa vida cotiá, pero no día a día das nosas vidas agóchanse moitos nanomateriais. Están nos lentes con cristais que non se raian, nas pezas de vestir que non se engurran, na crema que nos protexe dos raios solares…
Calcúlase que en 2015 os produtos nanotecnolóxicos han representar o 15 % das vendas mundiais.

Entrevista: Pepe Rivas é catedrático de Electromagnetismo da Universidade de Santiago de Compostela e dirixe o Laboratorio Ibérico Internacional de Nanotecnoloxía, ubicado en Braga (Portugal).Rivas tamén é codirector do Grupo de Magnetismo e Nanotecnoloxía da USC e cofundador de NANOGAP, empresa xurdida a partir da Universidade de Santiago co fin de comercializar nanopartículas a escala industrial. No seu haber ten máis de 250 publicacións en revistas científicas internacionais e varias patentes. En 1998 recibiu o Premio de Investigación Burdinola.
Monólogo.  As escalas nos nanobxectos. 
O Post de Wicho. Miniaturización tecnolóxica.
Reportaxes:
-  Nanoinmunotech / África Gonzalez (UVigo). 
-  Nanogap.

Tecnoloxía da auga

Programa 10

Cidades como Vigo ou A Coruña verten cada día ao seu contorno o equivalente a máis de 40 piscinas olímpicas de augas residuais sen tratar. Segundo a Unión Europea, este tipo de contaminación é o máis importante en augas costeiras e interiores. O tratamento das augas residuais non é unha opción para os ríos e as costas de Galicia, senón unha necesidade social e económica e, desde o ano 2000, unha obriga legal.

Entrevista: Francisco Omil Prieto catedrático de enxeñaría química na Universidade de Santiago de Compostela e membro do Grupo de Enxeñería Ambiental e Bioprocesos.
Monólogo. Contaminación farmacolóxica dos ríos.
Minuto MUNCYT. Máquinas de destilar.
O Post de Wicho. O overclocking.
Reportaxes:

- Augas ultrapuras e filtros vexetais.

Biotecnoloxía e saúde

Programa 9

Atopar un novo fármaco é unha carreira científica longa e complicada. Só unha de cada 10.000 moléculas escollidas nas primeiras fases chega á meta e convértese en medicamento. Como mínimo son 12 anos e máis de 1.000 millóns de euros de investimento. Sacar un fármaco ao mercado require moita investigación e multitude de ensaios clínicos, establecidos pola lei para protexer a saúde dos pacientes.

Entrevista: Mabel Loza coordinadora do grupo de investigación BioFarma, da Universidade de Santiago de Compostela.Monólogo. Interfaces cerebro máquina. 
Minuto MUNCYT. A primeira pórtese: os lentes.
O Post de Wicho. A farmacia on line.
Reportaxes:

- Novos fármacos e terapia celular.

Enerxías galegas

Programa 8

A metade da electricidade que produce Galicia provén das enerxías renovables. O vento, cun 34 % do total, supón a achega máis importante.
Aínda estamos lonxe do autoabastecemento, mais equipos de investigación galegos traballan para mellorar os recursos eólicos, forestais ou solares, é dicir, as enerxías limpas, chamadas a facer a revolución enerxética do século XXI.

Entrevista: ÁNGELES LÓPEZ AGÜERA, Directora do master de enerxías renovables da USC 
Monólogo. O Sol ese gran descoñecido. 
Minuto MUNCYT. Que conten un litro de petróleo?.
O Post de Wicho. Os vampiros da enerxía no fogar. Aforro de eneixa co ordenador.
Reportaxes:
- Enerxía eólica e nucleares.

Rastrexadores do ADN

Programa 7
Cada unha das células do noso corpo ten no seu interior unha copia de ADN: unha substancia abrancazada que contén a nosa descrición máis detallada.
Ao longo do día perdemos millóns de células, e deixamos un bo rastro alí por onde pasamos.
A xenética forense usa os restos de ADN para identificar persoas, descifrar doenzas ou reconstruir a Historia.

Entrevista: ÁNGEL CARRACEDO director do departamento de Medicina Legal USC.

Monólogo. O ADN mitocondrial, un terceiro en discordia.
Minuto MUNCYT.  A primeira cámara de fotos dixital.
O Post de Wicho.  O rastreo de delitos en Internet. Que pegadas imos deixando ao navegar.

 Reportaxes:
- Health in Code (Diagnóstico de cardiopatías)- Análise do ADN en productos de consumo